【冬日好物推介】 超高顏值法國品牌香氛蠟燭 愛吃女孩必入手「牛角包」味

 

喺冬天，夜晚就最啱點個蠟燭，比辛苦咗一日嘅自己放鬆下！市面上大牌子嘅香氛蠟燭嚟嚟去去都係嗰啲味道，唔係薰衣草就玫瑰、檸檬味，會唔會有特別啲嘅味㗎？

來自法國嘅小眾品牌Overose主打香氛蠟燭，佢哋嘅產品包裝以夢幻仙女色系為主，仲精心調製好多啱晒少女們用嘅香氛味道。

之前佢哋更推出過「牛角包」味，聞落帶牛油香同埋曲奇嘅甜味，令人諗起從巴黎街邊麵包鋪飄出嚟嘅新鮮出爐牛角包。

如果鍾意水果香氣嘅女生們就一定要買佢哋嘅Anamorphine，呢隻帶有粉紅牡丹、玫瑰花水、檸檬汽水同覆盤子嘅味道，甜甜嘅味道好適合擁有一顆少女心嘅女士。

如果想冇咁甜，但又有水果香氣，咁揀Anthurium就冇錯啦！黑加倫子、玫瑰同荔枝嘅味道加埋帶有高級感，係成熟女生們會愛上嘅味道！

 

(圖片來源︰Overose官網)