【王力宏離婚】「蕾神」李靚蕾澄清黑人范范同王力宏無「不正當關係」 網民再劍指徐若瑄！

 

請Like我哋個Page：

生活提案事務所 Lifenews HK

王力宏離婚風波繼續延燒！雖然王力宏已經「認輸」，宣佈暫退娛樂圈，但因為呢件事被牽連嘅藝人，就仲未能夠倖免於難。除咗By2 Yumi承認曾經同王力宏「交往」，徐若瑄亦因為今年9月曾經同王力宏聚會而捲入風波，同場嘅黑人范范夫婦亦被波及。不過「蕾神」李靚蕾琴日就澄清，以佢所知，黑人范范同王力宏都冇不正當關係。

（圖片來源：李靚蕾Jinglei @Weibo）

（圖片來源：Instagram @vivianhsu.ironv）

早前李靚蕾嘅公開信中，提到王力宏有一名人妻炮友，「自己已婚有小孩還要你跟她一起騙他老公」，王力宏仲要「明知違反規定，也要飛奔去找她家找她聚會」。經網民一番起底之後，發現今年9月徐若瑄同王力宏曾經喺女方屋企聚會， 事後徐若瑄亦道歉指聚會違反防疫規定，懷疑李靚蕾所指嘅人妻炮友就係徐若瑄。而當日同場嘅黑人同范范，亦成為討論焦點，更有傳言指王力宏、徐若瑄同黑人范范大玩4P，但就遭到李靚蕾否認。

（圖片來源：Instagram @vivianhsu.ironv）

不過，網友們認為「蕾神」只係幫黑人范范澄清，係用排除法，暗示徐若瑄真係同王力宏有染，令到徐若瑄更加水洗都唔清！雖然徐若瑄已經出面反駁，又警告網民會訴諸法律行動，但係都無補於事。有傳徐若瑄手上11個代言、共港幣1570萬報酬或「凍過水」，到底最後徐若瑄能唔能夠力挽狂瀾？小編都好想知！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！