【大講禁忌話題!】軒公敲碗之軒公不設防 孖梁祖堯、強尼訪問七師傅
請Like我哋個Page：
軒仔(張敬軒)嘅YouTube Channel早前模仿香港經典深夜成人清談節目《今夜不設防》，同梁祖堯、強尼三人模仿當年黃霑、倪匡、蔡瀾嘅主持陣容。當中不乏飲酒、食煙嘅鏡頭，又大談當年三人嘅女神人選同性感女星人選，尺度之大還原度非常高。而佢哋今集嘅女嘉賓就係集美貌與智慧於一身、跨越三界、穿越時空嘅七師傅啦!
七師傅一嚟就大放笑彈，先係預告鏡頭拎住酒壺灌酒但係壺入面係無酒，仙氣加凌厲嘅眼神夠曬騎呢。七師傅又幫軒仔改名「柴灣Super J」、「Jesus」，軒仔就話縮寫係「柴J」不過個名易記又好聽，反而叫Jesus又太神聖。
七師傅話佢三個主持都簡因為環保唔想浪費，梁祖堯啱做男朋友、強尼啱做老公、軒仔就負責搵錢，轉個頭就瘋狂向軒公求婚，場面非常搞笑。問到七師傅算唔算到梁祖堯幾時有拖拍，佢就講佢忙緊《全民做愛》，講錯《全民做星》個名。師傅話呢個社會唔缺星但好缺愛，所以呢個節目應該要改名，認真騎呢搞笑!
z
請Like我哋個Page：
Leave a Comment