【假戲真做！】《當男人戀愛時》邱澤許瑋甯閃婚！邱鋒澤被認錯 狂收網民祝福

 

請Like我哋個Page：

生活提案事務所 Lifenews HK

台灣演員邱澤許瑋甯喺電影《當男人戀愛時》合作之後，隨即傳出緋聞。早前邱澤喺台北電影節奪得影帝，領獎時甜蜜講出「謝謝我的女主角許瑋甯」，但一直都冇公開認愛。不過許瑋甯喺上星期五突然公布，同邱澤已經結婚，震撼一眾網民！

（圖片來源：Instagram @anno8o7）

許瑋甯上星期五喺IG公開同邱澤嘅甜蜜合照，相中可見許瑋甯攬住邱澤，無名指嘅大粒鑽戒勁搶眼。佢喺caption寫上「曾經說過，如果有好消息會跟大家分享的。這個好消息是，我們結婚了❤️」，簡而精咁公開婚訊。一眾藝人好友同網民都紛紛留言恭喜，祝福佢哋幸福快樂。

（圖片來源：Instagram @qiufengze）

不過除咗邱澤許瑋甯之外，「狼人殺」男神邱鋒澤都收到大量祝福。原來因為個名相似，部分網民「搞烏龍」，以為係鋒澤同許瑋甯結婚。鋒澤亦都順勢惡搞，抄足許瑋甯喺IG發文，「曾經說過，如果有好消息會跟大家分享的。這個好消息是，我們SOLD OUT了」，宣布「狼人殺」五堅情嘅高雄巨蛋演唱會完售！真係恭喜哂鋒澤！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！