【疫苗氣泡】傳政府擬要求紅館表演者同觀眾 打齊針先可以入場 張敬軒、AGA演唱會首當其衝？

 

請Like我哋個Page：

生活提案事務所 Lifenews HK

由今日開始，18類表列場所，包括提供堂食嘅餐廳，都要強制使用「安心出行」，冇得再填紙。而唔少演出業界人士都收到消息，指政府想進一步擴展「疫苗氣泡」嘅適用範圍，要求喺紅館演出嘅表演者同觀眾，一定要打齊針先可以入場，暫時未知幾時實施。

（圖片來源：Instagram @hinscheung）

（圖片來源：Instagram @agaseen）

雖然仲未踏入2022年，但張敬軒同AGA已經公布會喺下年1月開騷，已經開始公開發售門票，未知會唔會受措施影響。演出及制作行業協會顧問、寶輝娛樂市場總監謝嘉豪今朝接受商台《在晴朗的一天出發》訪問時，都提到下年3月將有周杰倫演唱會，擔心有觀眾未打針但買咗飛，好難安撫佢哋，希望措施唔好設追溯期。

（圖片來源：香港旅遊發展局）

其實政府想擴展「疫苗氣泡」到表演場地，絕對係有跡可尋。早前旅發局公佈，將會喺除夕舉辦「香港跨年倒數演唱會」，請嚟MIRROR、許廷鏗、AGA、Gin Lee 等人氣歌手參演。3000張門票仲要免費經抽獎送出，但就要打齊兩針先可以入場睇騷。大家又會唔會為咗睇騷打針呢？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！