【調整票價】由星期日起九巴加價 聯營過海線加幅高達5.16%
請Like我哋個Page：
喺4月4號嘅時候九巴獲批准可以整體加價8.5%，由2022年1月2日起，即係嚟緊嘅星期日就會正式加價！九巴披露更新咗嘅收費表，聯營路線都會一齊加價，跑馬地馬場嘅過海特別線係咁多條線入面加幅最高，一加就加成5.16%！
如果大家喺紅磡搭開過海巴士去中西區同東區就要留意啦，票價將會升至$10.9至$11，而經東隧或者西隧去中環同新界東北嘅巴士路線就只係加一毫。
睇完加幅最高，咁到底邊條線係加幅最低呢？根據最新收費表，通宵路線N170去沙田市中心同華富仲有去廣源同中環港澳碼頭嘅N182加幅只係得0.36%，由原來嘅$28加至$28.1。
雖然好多路線都會加價，但九巴月票嘅價格係唔會變，依然係$780。如果大家經常性要搭九巴出入就可以考慮下買月票啦。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment