【韓劇速遞】古裝愛情劇《衣袖紅鑲邊》收視節節攀升！男神2PM俊昊擔正演王世孫 出浴大騷完美身材！

 

請Like我哋個Page：

生活提案事務所 Lifenews HK

2PM俊昊喺今年3月退伍之後，除咗跟隨團體推新歌回歸樂壇，都有密密拍劇再戰小螢幕。由佢主演嘅古裝劇《衣袖紅鑲邊》就係上月12日播出，雖然同「喬妹」宋慧喬嘅新作《現正分手中》同時段競爭，但仍然穩佔收視率冠軍，第6集嘅全國收視更加逼近10%，絕對係黑馬之姿。

（圖片來源：MBC 드라마 @Facebook）

俊昊喺劇中飾演王世孫李祘，同李世榮飾演嘅宮女德任開展宮廷羅曼史。其實王與宮女嘅故事並唔新鮮，不過《衣袖紅鑲邊》勝在節奏明快，又有唔少爆笑情節，男女主角嘅演技同埋顏值都大受好評。其中俊昊特意改變發聲方法，正統嘅古裝劇語調得到網民大讚。

（圖片來源：MBC 드라마 @Facebook）

而喺第6集尾聲嘅出浴場面，更加係網民討論焦點。皆因俊昊喺劇中「意外」濕身，仲露出精瘦結實嘅肌肉，睇到小編都心跳加速！導演將呢一幕擺喺最後，吊足劇迷胃口，網民都好期待下一集，想知道劇情點發展！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！