【迎接2022】西九跨年mirror都有份！ 齊睇當日特別安排
請Like我哋個Page：
就嚟2022年啦，大家諗好點樣迎接未呢？鏡粉們如果未諗好就要留意啦！旅發局喺除夕當日將會舉辦「香港跨年倒數演唱會」，人氣男團MIRROR同好多為人熟悉嘅年輕本地歌手都會有份演出，包括許廷鏗、AGA江海迦、Gin Lee李幸倪等等。
但喺疫情下，為咗令成個活動可以喺更加安全嘅情況下進行，大會都會有特別安排。
今次演唱會採取實名制，門票並不能轉讓，持票觀眾需要拎出你嘅身份證同門票比工作人員核對身份，之後就要進行安檢同量度體溫，大家一定要安裝及使用「安心出行」同戴埋手帶先可以進入現場。
如果大家想飲水都唔可以就咁拎起枝水就飲，要由大會帶大家到場地外嘅帳篷先比飲，將風險盡量減到最低。
揸車嘅朋友要留意啦，文化區內嘅停車場由下午4點起就會停止車輛出入，如果大家趕唔切4點前返去揸走架車，咁就要等午夜解封返道路先可以入去停車場。
大家喺當日下午6點前都仲可以自由進出西九文化區，但留意返，下午4點起，連接西九藝術廣場同九龍站上蓋嘅藝術廣場天橋就會封閉，活動完結就可以經西九海濱長廊西閘入口或者博物館道離開會場。
希望大家都可以喺除夕當日玩得開心，同你哋嘅摰愛一齊迎接2022年！
圖片來源︰IG @mirror.weare、@agaseen、@hui_alfred
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment