【叱咤2021】「我最喜愛的歌曲」5強名單出爐！MC新人之姿殺入5強 同張敬軒力敵MIRROR三子！

 

請Like我哋個Page：

生活提案事務所 Lifenews HK

叱咤「我最喜愛的歌曲」5強終於誕生！早前商台公布投票走勢，大熱歌曲《係咁先啦》同Jer嘅《狂人日記》爆冷跌出7強，最後亦無緣晉身5強。5強入面，MIRROR成員嘅solo歌繼續佔過半，分别有姜濤嘅《Dear My Friend,》、Edan嘅《E先生 連環不幸事件》同埋Anson Lo嘅《Megahit》，鏡仔嘅勢頭果然係銳不可擋。

（圖片來源：my903.com 商業電台 @Facebook）

不過5強亦都唔完全係MIRROR嘅天下，皆因MC（張天賦）亦都以新人之姿，以《記憶棉》殺入5強，而最後一個席位就由張敬軒嘅《俏郎君》奪得。早前《記憶棉》被指受到商台打壓，喺流行榜一早就被下架，不過仍然無阻呢首「年度失戀之歌」殺入「我最喜愛的歌曲」5強，更被視為熱門黑馬！

（圖片來源：Instagram @mcheung1201）

（圖片來源：my903.com 商業電台 @Facebook）

而C AllStar嘅《留下來的人》大熱倒灶、未能晉身5強，亦令唔少樂迷大跌眼鏡。唔少網民都留言要求「還我C AllStar！」，更有網民暗示《留下來的人》係因為歌曲含義而被Foul走，形容「今時今日有少少意思嘅歌都一定要foul走」，亦有網民不滿「造星幫」喺叱咤獨大，話要叱咤正名做「叱吒全民造星樂壇頒獎典禮」。未到頒獎禮就咁重火藥味，到底獎項最後會鹿死誰手？小編都好期待！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！