【ViuTV熱播】Mike導最新作品《香港秘密搜查官》 用搞笑方法睇香港另一面

 

請Like我哋個Page：

生活提案事務所 Lifenews HK

 

繼《ERROR自肥企画》之後，Mike導又再帶領一眾藝人認真地做無聊得嚟又搞笑嘅事，今次佢嘅全新作品《香港秘密搜查官》由Asha、Hanna同P1X3L嘅其中一位成員Marco主持，佢哋嘅任務就係要搵出「香港秘密」。個名聽落好似好勁咁，其實就係用啲奇怪嘅方法去做唔同秘密任務。喺第一集，主持人就要用到深海拍攝設備，睇下維港水地到底有啲咩不明生物，而第二集就係研究「香港不明飛行物體」！

 

好多人都話自己見過UFO，到底UFO真相係啲咩呢？為咗查證UFO真相，Marco就用錫紙包實架航拍機，然後再問曾經話見過UFO嘅嘉賓，到底架錫紙航拍機到底似唔似佢哋見過嘅UFO。嘉賓都好誠實地話︰「唔似啊。」。

 

雖然呢個節目做嘅事好似都好無聊，但其實都係用緊另一個角度去探索香港，而且都令一眾觀眾睇得好開心，唔少觀眾都表示新節目好搞笑，果然係Mike導出品，必屬佳品！

圖片來源: ViuTV YouTube  Channel

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！