【新歌推介】Tyson Yoshi 全新單曲公開！首次執導MV大玩超現實動畫風 花費達七位數原因曝光‼️

 

請Like我哋個Page：

生活提案事務所 Lifenews HK

Tyson Yoshi嘅粉絲有福啦！時隔4個月，Tyson終於推出新歌《That Guy》，繼續以女朋友做靈感，大訴當年暗戀女友Christy嘅感受。而今次係佢首次擔任MV嘅導演，「大細路」嘅佢就盡情發揮自己嘅天馬行空，喺MV入面跌入動畫世界，化身虛擬角色救公主。

（MV傳送門：https://www.youtube.com/watch?v=HZjf7lCXi6Y）

（圖片來源：Tyson Yoshi @Youtube）

今次MV有好多動畫元素，其中有幾幕仲特意致敬佢兒時最愛嘅動畫《數碼暴龍》同《火影忍者》，忠粉們又有冇發現呢？等小編開估啦！一開始Tyson跌入虛擬世界嘅自轉動畫，就係嚟自《數碼暴龍》嘅「進化自轉」。而Tyson喺MV「打怪」嗰陣，都多次使出《火影忍者》嘅招牌瞳術「寫輪眼」同「輪迴眼」，細節滿分！

（圖片來源：Tyson Yoshi @Youtube）

Tyson都提到今次MV係大製作，足足籌備咗4個月，仲自爆製作花費達到七位數字！原來係因為佢重金禮聘咗日本動畫團隊，包括人氣動畫《咒術迴戰》嘅其中兩位作畫監督北村晉哉同埋會津五月，超級揼本！各位粉絲睇MV嗰陣，都要留心欣賞下啲動畫啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！