【全員自肥企劃】《香港秘密搜查官》齊齊搜查船P玩具 Marco自肥拖Asha手仔?

琴日《香港秘密搜查官》播出第九集，今集嘅主題係「火熱的玩具」，三位搜查官首先去咗figure店度睇香港製造聞名國際figure圈嘅貴價figure。主持人之一Marco（葉振弘）仲拎咗隻Mike導figure出嚟，搞到Hannah（陳漢娜）、Asha（徐㴓喬）呆到靜咗。

睇完香港嘅小型玩具之後，搜查官搜查啲「大型玩具」，所以佢哋就上咗大型遊艇，觀摩船P時可以玩嘅玩具，以拍野之名自肥玩船P，Asha同Hannah仲換上泳裝上陣!大型遊艇上有一條全香港最大嘅水上滑梯，眾人見到都非常興奮，輪住落水玩，自肥到爆阿~而Marco更有得拖住Asha手仔一齊玩呢條最大嘅滑梯，最自肥嘅人非佢莫屬啦!

之後都有分別介紹電動潛水推進器、噴射衝浪、動力衝浪板、電動水上飄飛冀板等等......不過連旁白都話佢哋搜查咗完全無關係嘅船P玩具，所以佢哋今集自肥大成功啊!