【神的女主角】頭三集有咩睇頭? 參賽者大展身手為做教主MV女主角
請Like我哋個Page：
《神的女主角》自11月1日開播，直至今日播出咗頭三集，唔少神徒都施展渾身解數嚟吸引教主AnsonLo (盧瀚霆) 嘅注意。
第一集就係所有參選者上嚟面試，由娟姐(練美娟)同火火做評判。首先有參選者鍾咏諭帶同佢嘅媽媽同細佬嚟面試，三人落力跳咗一段仔舞，同時鍾媽媽都好搶Fo，因為佢個樣實在太後生，連教主都驚嘆：我handle唔到呢件事！
仲有另外一個參賽者梁曉欣，佢帶咗家姐同細佬一齊嚟。佢哋一出場就著住蒙古傳統服飾，正當大家都好不解時，梁曉欣解釋其實係娟姐喺《大叔的愛》入面嘅「揸羊奶舞」！參賽者事前唔知會係娟姐做評判，而娟姐都呆咗！
第二集喺參賽者一輪面試之後宣佈入圍嘅名單，其中一名糖果系女生陳昕彤以治癒嘅歌聲成功喺評判心中留下印象入圍，佢表示如果當選「神的女主角」就會決心除咗個牙箍佢！
而琴日嘅第三集最有睇頭就係一個男參賽者劉建全！正當大家唸緊佢點解想成為教主嘅「女主角」，原來係因為劉生嘅太太同個女都係神徒！為咗個老婆同囡囡開心仲走去挑戰教主首歌 《EGO》隻舞，認真係有愛嘅一家人，好溫馨啊！
z
請Like我哋個Page：
Leave a Comment