【硬撼MIRROR？】亞視推「ATV男星限量版閃卡」宣傳自家手機App同串流平台 秦沛、陳展鵬、陳啟泰等經典男星登場 網民大讚貼地 要求出實體版！

 

請Like我哋個Page：

生活提案事務所 Lifenews HK

早前麥當勞推出一套16款「鏡仔卡」宣傳新款麥炸雞，掀起「食M記」熱潮，喺宣傳方面可以話係非常成功！出名「永恆」嘅亞視亦都唔執輸，推出「ATV男星限量版閃卡」，宣傳亞視手機App同串流平台嘅優惠，出動秦沛、潘志文、劉永、羅樂林、陳展鵬、林韋辰、鄭則士、袁文傑、陳啟泰、尹天照、盧海鵬、劉錫賢12位經典男星「硬撼MIRROR」，獲網民一致好評！

（圖片來源：ATV 亞洲電視 @Facebook）

亞視暫時喺Facebook專頁推出咗三彈、共12款閃卡。閃卡嘅設計都似足「鏡仔卡」，連件衫嘅黃色LOGO同炸雞都跟到十足十，勁有誠意。其中陳展鵬揸槍變「揸雞」、盧海鵬試咪變「試雞」，羅樂林嗰張仲附有英文譯名「LOKLAM」，疑似惡搞MIRROR嘅Lokman，認真搞笑！

（圖片來源：ATV 亞洲電視 @Facebook）

網民對呢個宣傳策略都非常受落，大讚ATV Marketing好貼地，仲話好想要實體版！網民都紛紛留言「敲碗」要求更多男星登場，包括同姜濤個名好似嘅江圖、「大王」安德尊、甄子丹、杜汶澤等等，仲有人出手P圖「加推」更多閃卡，小編都好佩服大家嘅創意。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！