【練美娟上「月傾會」 】還原女星姣錫人夫事件 大爆MIRROR鏡頭後另一面

 

請Like我哋個Page：

生活提案事務所 Lifenews HK

最新一集「月傾會」由星級主持人林柏希主持，今集嘉賓請嚟娟姐(練美娟)，林柏希一開頭問娟姐有無覺得自己紅咗，娟姐就話覺得係多咗好多人識佢。跟住又問娟姐幾歲失身，娟姐話18歲，係合法嘅，話經經理人喺度抹緊汗，更表示小學五年級已經初戀，鐘意成熟型大叔，好似強尼呢Type咁，因為佢對上一個男朋友大自己十年。

跟住去到《大膽答 冇膽食》環節，主持人畀咗6款調味娟姐，可以任意加入梳打水入面。跟住林柏希就會問娟姐問題，如果娟姐唔答就要飲曬呢杯「特調」！娟姐之前喺ViuTV節目爆料喺飯局親眼見到一名女星姣錫人夫嘅場面，林柏希要娟姐案件重演同爆料係邊兩個藝人。娟姐話唔開得名，但可以還原成件事嘅經過，跟住就好豪氣咁飲曬杯野飲！

跟住再問肥仔同伍仲衡會揀邊個，娟姐好快就話肥仔唔啱佢，因為佢介意另一半矮過自己。同伍仲衡有交換電話，但因為雙方都太忙而無下文。

接住落嚟又問，喺拍緊《大叔的愛》時同劇仲有3位MIRROR成員Edan、Anson Lo同Stanley，林柏希要娟姐答佢哋邊個最孤寒、最小氣同最多女冧。娟姐就話Anson Lo一定係最多女冧，因為無論青春少艾定人妻都好鍾意佢，包括娟姐個表姨媽！而最小氣係Stanley，因為同Stanley最熟，互動會最唔客氣。跟住佢仲爆料，Edan係佢哋之中最鍾意𥄫女！因為喺劇組度Edan休息時成日都會睇女仔IG。

最後一題，娟姐話如果真係有得去ViuTV節目《戀愛Staycation》，喺黃德斌、許紹雄、鄧健泓同古天樂之中會揀邊個配對，娟姐就話會係黃德斌，認真Friend底啊！

z

 

請Like我哋個Page：

生活提案事務所 Lifenews HK