【生日快樂！】 MIRROR出道三週年！驚喜出團歌慶生 今晚開騷同鏡粉狂歡！

 

請Like我哋個Page：

生活提案事務所 Lifenews HK

MIRROR三歲啦！今日MIRROR迎來第三個出道紀念日，早前12子已經先後兩次合體拍攝品牌廣告；喺三週年正日，更加驚喜推出新團歌《All In One》送畀粉絲！喺新歌MV入面，除咗可以見到鏡仔賣力熱舞，仲可以見到佢哋扮鬼臉搞怪，同攬埋一齊超溫馨，小編睇完都覺得充滿正能量！

（圖片來源：MIRROR @Youtube）

MV新鮮滾熱辣喺今日下午1點公開，鏡粉們都紛紛湧入留言，寫低對MIRROR嘅生日祝福。有忠粉話見到鏡仔12個齊齊整整已經好感動，又形容佢哋而家紅遍全港唔係易事，希望佢哋可以打破偶像團體短命嘅宿命。小編都衷心祝願MIRROR可以長長久久，迎接第二、第三個三週年！

（圖片來源：Instagram @mirror.weare）

今晚MIRROR仲會喺九展開生日Party《MIRROR Be 3 Birthday Party》，同鏡粉一齊度過呢個咁重要嘅日子。聽講佢哋準備咗驚喜表演，相信會即刻表演新歌《All In One》。雖然小編冇份去，但係都好期待，希望可以快啲睇到新歌舞台！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！