【鏡粉福音！】 MIRROR參演旅發局跨年倒數演唱會 抽獎形式派3,000門票‼️ 入場須打針

 

請Like我哋個Page：

生活提案事務所 Lifenews HK

過去兩年受疫情所限，除夕煙花匯演同倒數活動都要取消，今年大家終於可以開心跨年！旅發局琴日公佈，將會喺12月31日除夕當晚，舉辦「香港跨年倒數演唱會」，取代煙花匯演。今次係旅發局第一次搞「倒數演唱會」，陣容非常鼎盛，請嚟MIRROR、許廷鏗 、AGA、Gin Lee等歌手，同埋香港管弦樂團一齊演出。

（圖片來源：香港旅遊發展局）

演唱會將會喺夜晚10點開始，一直唱到凌晨12點半，同大家一齊跨年，全程都會喺網上同電視直播。除此之外，旅發局仲會送出3,000張門票，透過抽獎形式抽出1,500位幸運兒，每個人可以帶一個同行者入場。眾所周知，MIRROR每次開騷都係一票難求，今次可以免費睇鏡仔，真係好難得！

（圖片來源：Instagram @mirror.weare）

門票大抽獎將會由下星期一（11月15日）上午10點開始接受登記，並喺11月24日下午5點半截止。不過就要符合幾項條件先可以報名，包括必須年滿18歲、喺12月13日之前打哂兩針COVID-19疫苗，同埋要提供自己及同行者嘅身分證、姓名同電話號碼，以實名登記。同行者就必須年滿12歲，同樣要喺12月13日之前打齊兩針COVID-19疫苗，未滿18歲都要打一針先可以入場。如果大家合符資格又想睇騷，就要記得報名啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！