【熱切期待Marvel2021壓軸電影】《蜘蛛俠：不戰無歸》預告片公開！唔見三代同堂畫面

 

請Like我哋個Page：

生活提案事務所 Lifenews HK

Marvel電影於2021年一浪接一浪，由7月起《黑寡婦》、《尚氣與十環幫傳奇》、《永恆族》一套接一套未停過，Marvel電影迷可以話係過足戲癮啊!而緊接落嚟2021年Marvel電影嘅壓軸《蜘蛛俠：不戰無歸》亦將會喺12月17日正式上映。而香港嘅影迷留意啦，電影將會喺12月15日登上大銀幕，到時記得入場支持啦 ! 早於8月中時，《蜘蛛俠：不戰無歸》就出咗第一條前導預告，個嗰時就已經知道奇異博士會係入面重要角色之一，而反派只有「八爪魚博士」現身。

而喺琴日，《蜘蛛俠：不戰無歸》終於出咗第二條預告影片，今次呢條預告片釋出嘅資訊更多，喺蜘蛛俠求助奇異博士幫佢用魔法令全世界忘記佢就係蜘蛛俠本人時，打開咗嚟自唔同時空嘅訪客，即係指四大反派「八爪魚博士」、「電魔」、「綠魔」同埋「沙人」。奇異博士就要蜘蛛俠收拾呢個殘局。

其中最令影迷期待嘅就係有傳聞喺電影入面會有三代蜘蛛俠同堂嘅畫面，雖然官方同Tom Holland本人都否認會有一、二代演員Tobey Maguire同Andrew Garfield嘅出現，但都無阻影迷喺預告入面尋找蛛絲馬跡。有網友猜測，其中有一幕係「八爪魚博士」鎖住除咗面罩嘅Tom Holland所飾演嘅蜘蛛俠，但佢就話佢唔係Peter Parker，唔知呢個係唔係暗藏住「三代同堂」畫面嘅玄機呢?

另外喺預告片尾，蜘蛛俠女友嘅MJ(Zendaya飾演)由打鬥場地高處墮下，未知蜘蛛俠能否可以捉實佢隻手救到佢，唔會重蹈《 蜘蛛俠2：決戰電魔》嘅覆轍，親眼目睹眼前人離開。

z

 

請Like我哋個Page：

生活提案事務所 Lifenews HK