【姜麗文學會與抑鬱敏感共存】姜麗文 Lesley 教你點樣紓壓放鬆!






 

請Like我哋個Page:

【 姜麗文學會與抑鬱敏感共存】姜麗文 Lesley 教你點樣紓壓放鬆!

姜麗文Lesley出生於「星級家庭」,爸爸係著名演員秦沛。雖然係「星二代」,但Lesley堅持唔靠父蔭、默默耕耘。最近佢喺TVB台慶劇《星空下的仁醫》演技飾演一位病童嘅媽咪,演技大爆發獲網民激讚,足見佢努力嘅成果。


表面開朗愛笑嘅Lesley,原來早喺7年前已經受抑鬱症困擾,喺2年前更患上麩質過敏症。同頑疾搏鬥多年,Lesley自言已經識得點樣處理、平衡同療癒自己。佢提到無論工作幾忙都好,佢都會畀自己充足嘅「Me Time」,強調自己情緒同身體健康,永遠都係排第一位。



Lesley建議大家喺空閒嘅時候,可以浸浴、聽自己喜歡嘅音樂、品嚐美食,或者同三五知己聚會見面。看似普通簡單嘅小事,但Lesley認為佢哋對保持健康都好重要。


而喺飲食方面,佢除咗含麩質嘅食物之外,通常想食啲乜嘢都會食。佢提到自己平時會飲好多水、唔煙唔酒,認為健康嘅生活習慣,對皮膚同身體有益。



Lesley亦勸大家唔好盲目追求「快靚正」嘅減肥方法,反正應該著眼於點樣可以變得更健康。佢希望大家會識得愛惜同包容自己嘅身體,因為無論咩體型都有佢美麗之處,小編都覺得好有道理!如果想睇更多Lesley嘅健康心得,就要密切留意LifenewsHK同今期中醫生活啦!


(即上LifenewsHK Facebook專頁睇片:https://fb.watch/9CKZx5EEtl/





 

請Like我哋個Page:

 

你也有精彩的人和事跟我們分享?想查詢廣告合作?請Inbox話我哋知!





沒有留言

Blogger 提供.