【全民造星IV】花姐心水登場！仙氣靚女Yoyo唱跳俱佳 花姐：放棄MIRROR都要簽佢！型格全能Marf獲一致好評 擊敗勁敵方方！

 

請Like我哋個Page：

生活提案事務所 Lifenews HK

 

首輪Battle嚟到後段，唔少有實力嘅參賽者終於浮面，今集就有兩個「花姐心水」參賽者亮相！第一個就係87號嘅Yoyo，佢憑住甜美外表，俘虜一眾幕後工作人員，喺主題曲MV飲水嘅大頭Shot，更加獲網民盛讚「可以去拍代言」。除咗靚樣，Yoyo仲有一副好歌喉，出色嘅表現令花姐多次話「唔要MIRROR都要簽佢」！

（圖片來源：Viu TV 官方網頁）

首輪佢就跳唱表演F.I.R.嘅名曲《Lydia》，著住全白長裙嘅佢跳起舞嚟勁有仙氣，唱高音亦都好穩定，實力超班。而佢嘅對手Dru係節目入面罕見嘅「型男」，雖然導師同花姐都覺得佢麻麻，但身為「女校男生」嘅Dru就極受其他參賽者歡迎，成為咗其他女生們嘅「老公」。雖然佢只係坐定定唱歌，但憑住中性特色突圍而出，擊敗Yoyo晉身60強。

（圖片來源：Viu TV 官方網頁）

而今集出場嘅第二位「花姐心水」，就係3號嘅Marf。早喺宣傳記者會，花姐已經開聲話睇好佢，令佢獲得唔少媒體關注。Marf嘅眉上齊陰極有記憶點，好多網民都話佢係「翻版炎明熹」。

（圖片來源：Viu TV 官方網頁）

不過Marf極有個人風格，面試嘅時候已經好亮眼，唔單止唱跳都得，演起戲嚟仲好有急才，連梁祖堯都連續三次畀佢K.O.！佢喺首輪對上《造星III》嘅20強方方，唔開聲齋跳舞都夠哂型同壓台，面對勁敵一樣全取三盞燈晉級，真係好犀利！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！