【全民造星IV】終於開播！女團經理人Wing登場 全新賽制首輪即1 ON 1「女版Edan」 莎莎對戰中大醫科生阿wing!!

 

請Like我哋個Page：

生活提案事務所 Lifenews HK

Viu TV今年嘅主打節目《全民造星IV》喺琴晚首播，為咗唔畀觀眾有「炒冷飯」嘅感覺，今季除咗破格選女團，仲有新嘅靈魂人物登場！佢就係女團經理人Wing（戴穎）。事關花姐明言自己管唔到女團，所以就邀請咗Wing幫手，管理未來「女版MIRROR」，小編都好期待Wing喺節目上嘅表現。

（圖片來源：如果只得一分鐘 @Facebook）

Wing身材高䠷，可以話係氣質美女，唔講仲以為佢係參賽者。佢除咗係陳漢娜嘅經理人，更加係一個舞台劇演員，曾經同 #MIRROR 嘅 #Ian 同 #Jer 合演舞台劇《如果只得一分鐘》，仲同Ian有感情線！佢表明自己係「溫和派」，同花姐嘅作風係兩個極端，唔知管唔管得掂咁多個女仔呢？

（圖片來源：ViuTV @Youtube）

除咗有新面孔加盟，《造星IV》嘅賽制都有大改革！首輪就已經採取殘酷嘅一對一賽制，被抽中對戰嘅參賽者「兩個只能活一個」，輸咗就要即刻跌落淘汰區，真係好殘酷！而打頭陣嘅對戰組合，就係中日混血兒莎莎，Battle中大醫科「學霸」阿Wing，兩個人都係表演跳舞。莎莎喺賽前已經畀花姐點名，大讚佢係「女版Edan」，被睇高一線。雖然佢首輪冇表現出「癲得」本性，令導師梁祖堯大嘆可惜，但都憑住性感辣舞勝出，晉身60強。第二集將會有更多女生登場，大家都唔好錯過啦。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！