【全民造星IV】「天籟之聲」Ash原來已經係人妻！IG出po回應：參加造星老公「第一個舉腳贊成」

 

請Like我哋個Page：

 《全民造星IV》首輪比賽嚟到尾聲，唔少唱將都登場大展歌喉，其中一位就係81號嘅Ash。佢喺面試嘅表現已經非常亮眼，導師梁祖堯大讚佢一唱歌「係天籟、係天使」，聽到兩位導師「呆_咗」。而且Ash嘅樣貌標緻，獲導師盛讚「箍牙都咁靚」，加上佢本身係一位護士，任職嬰兒深切治療部，愛心爆棚！

（圖片來源：ViuTV @Youtube）

雖然被睇高一線，但係Ash喺首輪對上另一位唱將Winka，兩個人鬥得難分難解，仲要額外加多一輪廣東話歌Battle，先分到勝負。兩強相遇之下，Ash不幸暫時跌入復活區，但都無阻佢人氣急升，比賽之後隨即得到大量網民關注！

（圖片來源：Instagram @iamashleyyy___）

點知有網民就喺佢嘅IG發現，23歲年紀輕輕嘅Ash，原來上年已經結咗婚，成為人妻！佢都好快喺IG發文回應，話想保護另一半同屋企人，又感謝老公嘅無條件支持，憶述當初想參加《造星IV》，老公係「第一個舉腳贊成」，強調自己揀咗另一半就唔會後悔，真係好sweet！

 

請Like我哋個Page：

 

你也有精彩的人和事跟我們分享？想查詢廣告合作？請Inbox話我哋知！