【全民造星IV】60強誕生！大熱阿妹、Jackie 、Yanis冇得復活 網民鬧爆 梁祖堯出長文解畫！
請Like我哋個Page：
經過三個星期嘅一對一激戰，《造星IV》嘅60強終於誕生！新賽制令到唔少有實力、有觀眾緣嘅參賽者跌入復活區，令到導師許廷鏗同梁祖堯非常頭痕。雖然唔少網民心水Gao、Yoyo、Winwin、Candy等等都成功復活，但係仍然有唔少遺珠。其中阿妹、Jackie、Yanis、3妹等高人氣選手就不幸被Foul，喺96強止步。
（圖片來源：Viu TV 官網）
眾多大熱被Foul，唔少網民都對賽果好不滿，紛紛大叫「還我阿妹」、「還我Jackie」。而梁祖堯選擇復活上屆20強方方，同埋佢喺演藝嘅同班同學、39歲嘅Ling，無疑係火上加油，網民都狠批佢偏心同有私心，更加要求佢下季唔好再做導師。
（圖片來源：Viu TV 官網）
面對網民批評，梁祖堯都即刻喺IG出長文回應。對於阿妹、Jackie、Yanis爆冷淘汰，佢就話呢幾位都喺當晚嘅討論名單之上，但導師一致認為，要睇當晚嘅實力同表現去決定邊個有得留低，先叫做「公平」。佢又指當時所有宣傳都未出街，預測唔到觀眾對參賽者嘅觀感，又強調復活Ling同方方係因為佢哋嘅表演氣場同舞台實力，自己並冇偏私。
（圖片來源：Instagram @pumpkinjojoinstagram）
不過網民就唔太收貨，留言批評佢只係用緊「言語的藝術」，打一大篇文「為自己開脫」、「唔認自己眼光差」。雖然網上罵聲一片，但係節目會唔會越鬧越紅，都係未知之數。而今晚將會開展新一輪小組對決，唔知能唔能夠挽回觀眾信心呢？
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment