【全民造星IV】16歲「燒賣」VS 「阿妹」青春熱血！專業Dancers登場現強強對決 黎明御用馬欣 VS MIRROR御用家琪！「粉紅頭」 暐翹撞樣《鬼滅》角色？
請Like我哋個Page：
今季造星有超過4000人報名，超高競爭率令網民對96強嘅實力有好高期望，但係首兩集就出現唔少騎呢參賽者，令網民大跌眼鏡。其中Emi歌舞都強差人意，但就憑住「Kai」爆傻氣性格獲花姐力撐，雖然跌入淘汰區，仍然畀網民鬧爆！但係第二集尾段出場嘅兩位16歲妹妹就好得觀眾歡心，「燒賣」活潑可愛，俘虜哂台前幕後；而「阿妹」樣貌標緻，身高仲有170cm，係完美嘅女團材料。不過兩個人實力都唔算特別出眾，勝在青春無限。
（圖片來源：ViuTV 官方網站）
嚟到第三集，一班專業舞蹈員接連登場，令節目終於有啲睇頭。其中最精彩嘅一定係71號嘅家琪對78號嘅馬欣。佢哋兩個都係專業舞蹈員，而且來頭唔細，馬欣表演經驗豐富，跟過天王黎明走埠出騷；而家琪更加多次幫MIRROR成員伴舞，賽前已經有唔少鏡粉留言支持。
（圖片來源：Instagram @myyoann）
（圖片來源：Instagram @kakimokkk）
今集兩個人都帶嚟最拿手嘅舞蹈表演，馬欣著上白色連身衣，大跳New Jazz舞蹈，獲導師梁祖堯大讚「性感得嚟唔cheap」；而家琪就揀咗ERROR肥仔嘅《Lady Killa》再自己編舞，型格舞步連評判當奴都話無可挑剔！最後馬欣以3:0勝出，加入祖祖隊伍。
另外，今集仲有另一個話題性人物登場，就係22號嘅暐翹。佢喺賽前憑住亮眼嘅粉紅色短髮得到網民注意，不過惡評居多，唔少人都質疑佢相貌平平，點解入到圍。
（圖片來源：ViuTV @Youtube）
原來暐翹係專業拉丁舞運動員，今集以中性打扮登場，跳起舞嚟盡顯功架，仲有餘裕到對鏡頭放電，精彩表演令佢成功晉身60強。但係佢嘅打扮，就畀網民笑佢係真人版《鬼滅》「猗窩座」，觀眾緣似乎有待改善。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment