【姜濤紀錄片EP2公開！】坦承見Fans感壓力 重談「暈倒」及「被舉中指」事件
請Like我哋個Page：
姜濤推出紀錄片帶大家認識真正嘅佢，日前第二集《問題》都已經公開咗。今集佢就講翻9月嗰陣出席品牌活動時暈倒，更喺IG post咗全黑背景story「I’m tired of everything」，令唔少人對事件有負面嘅聲音，不論係對於公司或者經理人花姐。姜濤坦言出道愈耐，面對Fans嘅期待，每次見佢哋就愈感有壓力。而壓力一部分係嚟自每次有關MIRROR嘅新聞好多時都集中討論姜濤，不論係咪真係同佢自己有關。
而佢慶幸嘅係，身邊仲有MIRROR全員嘅陪伴。早前有報導指影到Edan對住姜濤舉中指，指姜被成員欺凌，於是就趁12子合體為品牌出席發佈會當日，姜濤、Edan同花姐3個人就對質開澄清大會，Edan就一臉認真咁話「好對唔住，姜濤，我唔應該舉中指欺凌姜濤」，在旁嘅姜濤笑到停唔到。Edan表示欺凌呢個字無發生過喺佢身上，通常都係佢被人欺凌，佢話舉中指呢個行為係唔啱，不過有時男仔係貪玩啲，絕對唔係欺凌姜濤。
紀錄片當中有好多姜濤同各成員嘅互動，而姜濤早前出Show成員都拉大隊喺台下支持，其實佢哋嘅感情都好好。唔少Fans喺影片底下留言，希望姜濤可以搵番初出道時最無拘無束嘅佢，唔希望佢背負太多壓力!
z
請Like我哋個Page：
Leave a Comment