【夢幻組合！】Edan X 邱鋒澤 跨境合作推新歌 鋒澤下苦功練廣東話 發音超標準！合作只因一個DM Message？
請Like我哋個Page：
Edan日前驚喜宣布會同「狼人殺男神」鋒澤合作推新歌，廣東話版名為《一表人才》，而國語版就叫《年青有為》。兩人都分別係台灣同香港嘅新生代男神，加上《狼人殺》喺香港都好受歡迎，消息一出可以話係震撼一眾粉絲！兩首歌MV已經喺上星期四公開，直至今日依然雄踞Youtube音樂熱門影片嘅冠亞軍，風頭一時無兩。
（圖片來源：Youtube @MIRROR）
今次新歌係由林奕匡作曲、黃偉文作詞，旋律歌詞都係行失戀慘情歌路線。兩位男神喺MV入面亦都化身失戀痴情男，飲酒、做運動、瘋狂OT麻醉自己，相信大家都睇到好有共鳴。MV中段Edan亦同鋒澤一齊重現佢嘅招牌鋼琴Solo，好有心思！而最令粉絲驚喜嘅，就係鋒澤唱廣東話發音超標準，唔知仲以為佢係香港人，連Edan都話自愧不如。
（圖片來源：Youtube @MIRROR）
受疫情所限，今次嘅歌曲同MV都要分開兩地製作，過程絕對唔易。不過之所以會有今次嘅「夢幻組合」，原來只係因為一個Instagram嘅DM Message！
（圖片來源：Instagram @edanlui）
事緣之前Edan係《狼人殺》嘅忠實粉絲，曾經私訊過鋒澤「表白」，點知隔咗7個月之後，鋒澤突然覆佢message，仲邀請佢合作出歌！Edan都說自己真係「樂翻天」，仲話再忙都一定要做，小編都好羨慕Edan追星成功！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment