【創意新派中菜館】顛覆傳統飲食文化！銅鑼灣高級中菜廳兼酒吧 中式小食配獨家Cocktail

 

請Like我哋個Page：

生活提案事務所 Lifenews HK

平時如果想食中菜，通常都會去酒樓叫餸食飯。但係間間酒樓菜式都差唔多，小編都食到好悶；有時酒癮起，酒樓又淨係得啤酒，真係會好掃興。如果你同小編一樣，鍾意食中餐，又鍾意飲靚酒，就一定要嚟呢到啦！呢間位於銅鑼灣利園嘅中菜館Duckee，係坊間少有連埋酒吧嘅中菜餐廳，歐陸式嘅裝潢亦都好有格調，打卡一流！

今次小編就試咗Duckee獨家嘅「Duckee × Rémy × Twinings」Menu，包括三款中式小食，各配一杯特色Cocktail，中西合壁之餘，味道亦都好夾！Menu入面嘅Cocktail用咗國際干邑白蘭地品牌 Rémy Martin 嘅「人頭馬 CLUB」，加埋Twinings Hong Kong嘅靚紅茶，酒鬼們一定會鍾意！

第一道菜色就係香脆九肚魚配「19th Century」Cocktail。「19th Century」嘅味道好新奇，入口會嚐到草本香味，但係入面並冇加任何香草，而係用咗伯爵茶加薑味啤酒！雖然飲落會有啲苦澀，但用嚟配炸到酥脆嘅九肚魚就啱啱好，就算食哂全碟都唔覺油膩。

得一樣炸物配酒點夠喉？第二道菜就有大家成日食嘅黃金炸魚皮，加埋「English Sour」Cocktail。酒如其名，「English Sour」同英式早餐茶一樣酸酸甜甜、非常醒胃，上好嘅白蘭地加上杏桃果醬同檸檬汁，充滿英倫風味。配埋香脆嘅餅乾同炸魚皮，雖然係食緊中餐，但就好似嘆緊英式下午茶咁清新。

壓軸登場嘅就係小編最鍾意嘅素羊肉串配「Perac」Cocktail。素羊肉雖然係由菇類同魔芋製成，但口感同真羊肉好似，又唔會有羶味，灑上滿滿嘅孜然粉，真係覺得自己食緊新疆串燒！而「Perac」酒味係三杯Cocktail入面最濃烈，加埋水蜜桃果茶嘅清香，啱哂小編呢個酒鬼。

除咗上面提到嘅三款Cocktail，Duckee仲會不定時邀請知名調酒師，作特別嘅客席調酒表演，同加推期間限定嘅Cocktail。成日飲Long Island、Gin Tonic飲到悶，想試下新口味，就一定要嚟試下啦。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！