【日系打卡好去處】元朗全新Café主打日式All Day Breakfast 室外轉角位成打卡熱點

 

元朗有唔少嘅Café都好值得大家去，而今次小編要介紹嘅就係最近新開已經備受好評嘅「唯今Tadaima」。 Café牆身以白色為主，用咗充滿日系風格原木色去加以裝飾，戶外轉角位亦係唔少女生嚟到必定要打卡嘅熱點。呢度除咗有一般嘅咖啡供應，亦有一啲日式嘅輕食比大家揀，例如焙茶奶酥醬烤多士。

小編叫咗和洋六品早午餐，即係日式嘅All Day Breakfast，入面有吐司、炒菇、芝士香蔥厚揚豆腐、溏心蛋、香腸，十分豐富！吐司烘得外脆內軟，充滿麵粉香，而且仲係可以拉絲嗰種軟綿綿又帶點口感嘅吐司，十分出色！香腸Juicy同帶香草味，All Day Breakfast整體都令人好滿意。

另外小編亦都揀咗煙肉薯蓉芝士烤多士，香脆嘅吐司上面鋪滿薯蓉、煙肉同芝士，好香口。而薯蓉亦唔係走順滑路線，帶點薯仔嘅微微爽脆口感，同多士好夾。

飲品方面有Honey Tonic，蜜糖選用咗台灣產嘅百花蜜，唔會過份甜膩，飲落清甜解渴。

 

唯今 Tadaima

地址：元朗建德街26號益利大廈12號地舖