【好可惜！】韓網票選「最期待復出的爭議藝人」 金宣虎、徐睿知排頭三 第一竟然係佢？
請Like我哋個Page：
雖然明星都係人，但係大眾普遍都對明星嘅道德標準有更高要求，明星嘅私生活亦往往被放大審視。喺作風保守嘅韓國，呢個情況就更加嚴重，唔少韓星都因為干犯吸大麻、醉駕等嚴重罪行，人氣一落千丈；就算冇犯罪，一旦被爆私生活混亂，都會受千夫所指，隨時冇得翻身。不過就有部分藝人，即使陷入私生活爭議、潛水反省，都一樣獲得網民支持，力撐佢哋復出。
韓國人氣論壇dcinside日前就以「即使身陷私生活爭議，也期待他復出」 為題，票選大眾最期待佢復出嘅爭議藝人。短短一個星期內，有超過1.2萬人投票。想知道投票結果，就要繼續睇埋落去啦！
（圖片來源：Instagram @seoyeajiluv）
第三名：徐睿知
人氣演員徐睿知同金秀賢主演韓劇《雖然是精神病但沒關係》之後爆紅，佢早前被爆出連串黑歷史，包括偽造學歷、校園欺凌同對工作人員冇禮貌等等。其中最為人詬病嘅，就係佢被指「精神操控」前男友金正賢，禁止金正賢同其他女演員接觸，仲導致少女時代嘅徐玄承受巨大心理壓力。雖然徐睿知透過經紀公司，否認一切指控，但仍然無法平息負面輿論，因此佢潛水近半年避風頭。喺9月就傳出佢接到tvN新劇《夏娃的醜聞》邀約，考慮緊係咪出演，唔知會唔會成為佢嘅復出之作？
（圖片來源：Instagram @seonho__kim）
第二名：金宣虎
金宣虎早前陷入「逼前女友墮胎」爭議，一直維持暖男形象嘅佢，上個月被前女友爆料係「渣男」。前女友指控佢以結婚承諾欺騙自己墮胎、始亂終棄，導致金宣虎大批代言廣告一度下架。其後「韓國最強狗仔隊」Dispatch出手澄清，反指前女友私生活唔檢點同謊話連篇，扭轉輿論風向，令佢人氣不跌反升。除咗保住電影《悲傷熱帶》嘅片約，更加喺《2021年Asia Artist Awards》獲得兩個人氣賞，復出有望。
（圖片來源：Instagram @yunho2154）
第一名：允浩
人氣男團「東方神起」嘅隊長允浩，出道十幾年嚟一直保持健康正直嘅形象。但係佢喺今年年初，因為違反防疫規定，同朋友聚餐直到深夜，加上有媒體指，當日允浩去嘅係非法登記嘅娛樂場所，令佢備受抨擊。雖然經紀公司SM娛樂發聲明澄清當晚只係普通聚會，並冇女服務員陪酒，允浩亦親自發文道歉，但仍然有大批代言下架。經過一段時間閉關反省之後，允浩喺7月透過網路綜藝《Check This Out》回歸大眾視線，希望快啲可以見到佢喺電視螢幕出現！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment