【突發！】東方昇100毛KOL機場自拍往英國閘口機票！疑似移民！（他澄清只去做嘢！會返嚟的！）

 

相片來源：東方昇FB

100毛藝人KOL東方昇，突然在Facebook張貼一張機場自拍照，鏡中不見其樣貌，只見往英國閘口及機票，並無打任何字句，疑似移民英國！

不少KOL紛紛留言祝他一路順風。

例如渾水、阮民安都紛紛留言。

但不夠十數分鐘，他貼文澄清，他只是去英國拍攝公幹，而並非移民！以下為其第二個POST嘅內容：

「睇咗上一個post嘅各位，請大家放心，我唔係移民啊！我去英國做嘢咋，我會返嚟㗎～

大家有呢個誤會，就正正反映咗香港而家嘅情況。

以前影住張機票post 上社交平台，大家會叫你「玩得開心啲」，今日大家會叫你「一路平安❤️ 」，見到朋友喺機場影相，即使只係送機，但都已經足以觸動到大家嘅敏感神經，以為佢離開，然後你哋之間嘅回憶就會開始湧晒出嚟。

正正因為移民呢個議題係咁影響大家，所以今次我去英國拍《國家級任務》，就係探討下呢個問題，希望大家繼續留意～

最後再次喺度重申一次，我真係唔係移民，我應承大家我會早過陶傑返香港㗎✌🏽

大家可以繼續專心留意番譚詠麟事件😋」