【大圍九巴車禍】巴士安全知識你要知 到底坐邊個位最危險？

 

喺18號夜晚，大圍大埔公路發生咗一宗嚴重車禍，有一架88K九巴翻側意外導致1人死亡同超過11位乘客受傷。冇人會知車輛幾時失控，意外永遠都係意料之外，咁到底我哋可以做啲咩去保護自己，盡量免受傷害？坐巴士嘅時候到底應該盡量避免坐邊啲位？

 

有專家就指出，雙層巴士入面最安全嘅位置就係下層右手邊嘅座位，因為巴士重心落咗喺中間，所以巴士右手邊嘅座位安全系數會相對其他位置較高，除非遇到一啲特殊情況，例如巴士被攔腰撞到。

 

而最危險就係下層嘅車廂車頭同上層所有座位。車頭只係得玻璃做一個屏障，發生車禍嘅時候，企喺車頭踲乘客係好大機會被拋出車外，造成重傷。而上層同地面係有一段距離，所以承受嘅衝擊力同震盪力都比下層大。喺2018年2月發生嘅大埔公路致命車禍就係成個車頂被削走，可見坐上層要承受嘅風險都較大。

 

有時坐咩位都唔到我地揀，只能夠盡量坐喺較安全嘅位置，同時我哋都有責任保護好自己，扣好安全帶、捉實扶手同盡量唔好搭車嘅時候恰眼瞓，咁有咩事起上嚟都可以立即逃生。