【認識真實的姜B】姜濤 IG 預告將推紀錄片《答案》 重提暈倒事件 強調「唔好將我諗到咁脆弱」 片尾暗示「九胎」就嚟出世？

 

請Like我哋個Page：

生活提案事務所 Lifenews HK

琴日係MIRROR 出道三週年嘅大日子，除咗同成員一齊推團歌、開騷見粉絲之外，姜濤仲有新搞作。佢琴晚喺IG Post咗一條2分鐘嘅短片，預告將會推出個人紀錄片《答案》。預告片中，佢開宗明義話：「可能你睇完條片會唔鍾意我。」隨即播出姜濤打籃球發脾氣、同隊友玩鬧彈額頭嘅畫面，不過姜糖們就覺得幾真實可愛，仲話「睇完更加愛你」。

（圖片來源：Instagram @keung_show）

姜濤喺條片一開頭，就解釋拍紀錄片嘅原因，話自己喺出歌以外，就冇咩途徑去講自己嘅經歷同諗法，所以希望透過拍紀錄片，記低自己嘅心路歷程，畀以後嘅自己睇。佢坦承走紅後有壓力，憶述以前表演嗰陣「唔會諗咁多，覺得開心、同大家一齊就得」，但而家為咗唔辜負人哋期望，會「逼自己畀多啲力」。

（圖片來源：Instagram @keung_show）

佢亦重提早前出席品牌活動暈低一事，話知道好多人會批評公司同花姐 ，叫大家「唔好將我諗到咁脆弱」。但係姜濤亦自爆，自己情緒時好時壞，八個月來有好多內心抗爭，其後一句「可能拍完呢條片，出完呢隻歌，都會有唔開心嘅時候。」就引嚟姜糖猜測，姜濤嘅「九胎」第九首單曲係咪就嚟面世。小編都好期待，好想姜B快啲再出歌！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！