【 「教廚」出動！】《神的女主角》教主整沙律慰勞粉絲 展地獄廚藝 Anson Lo：我唔識點切蕃茄‼️
請Like我哋個Page：
最新一集《神的女主角》入面，教主終於有機會同參賽粉絲見面傾偈。為表誠意，教主就特意整咗蘋果蕃茄沙律，獎勵過五關斬六將嘅粉絲。雖然呢個「菜式」難度可以話係零，但對平時極少下廚嘅教主嚟講，都算係一個挑戰。想知道佢能唔能夠完成，就要睇埋落去啦！
（圖片來源：ViuTV@Youtube）
喺開始整沙律之前，教主就一一介紹會用到嘅食材，介紹到啲菜嘅時候佢就突然好心虛，皆因佢分唔清菜嘅種類，望住棵生菜懷疑佢係油墨菜，又將沙律菜講咗做莞茜。另外，佢切蕃茄嘅時候都相當驚險，就連字幕組都要溫馨提示「教主用刀經過特別訓練，神徒們切勿模仿。」
其實教主對自己嘅廚藝都好有自知之明，除咗直認自己唔識切蕃茄之外，仲自嘲自己喺到拍緊驚慄片。好彩最後佢越整越上手，成功整到一盤靚靚沙律。雖然教主下廚認真蝦碌，不過神徒們一樣受落，大讚佢好好笑、好可愛，對粉絲好有心，仲好羨慕參賽者可以食到教主整嘅愛心沙律。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment