【叱咤2021】五強名單出爐！MIRROR四子「內鬥」姜濤有望冧莊？試當真豪哥許賢殺入「我最喜愛組合」5強！

 

請Like我哋個Page：

生活提案事務所 Lifenews HK

嚟到年尾，又係歌手組合出席各大頒獎禮、驗收成果嘅時候。其中由商台舉辦嘅「叱咤樂壇流行榜頒獎典禮」每年都討論度高企，加上今年樂壇百花齊放、競爭激烈，真係未到最後都唔知獎項花落誰家。今年叱咤「我最喜愛的男歌手、女歌手、組合」嘅第一階段投票已經係今日中午12點結束，三個獎項嘅五強名單新鮮出爐，想知嘅就要睇埋落去啦！

（圖片來源：my903.com 商業電台 @Facebook）

男歌手方面，出道20年嘅「軒仔」張敬軒人氣不減，成功入圍。其餘四席都係由MIRROR獨佔，分別係Edan、Ian、Anson Lo同姜濤，而Jer同Anson Kong就分別喺八強同十強止步。

（圖片來源：Instagram @iancychan,ansonlht,edanlui,keung_show）

今年MIRROR其中六子都有出Solo單曲，事前已經預計到會爭崩頭。舊年勇奪「我最喜愛男歌手」嘅姜濤，日前出席活動回應媒體提問，就話對於「冧莊」抱平常心，又話鏡仔們都唔係為咗攞獎先做歌，唔會太介意獎項得失。

（圖片來源：my903.com 商業電台 @Facebook）

而女歌手就由Serrini、陳凱詠、欣宜、方皓玟同陳蕾競逐獎項，5位女歌手風格都好唔同，各有忠粉支持，真係未到最後都唔知花落誰家。

（圖片來源：my903.com 商業電台 @Facebook）

（圖片來源：Instagram @trialanderror924）

組合方面，MIRROR、ERROR穩佔5強席位，C AllStar同Dear Jane都有入圍。由Youtube Channel試當真成員蘇豪同許賢組成嘅MC $oho & KidNey，亦都破天荒殺入5強，人氣非常強勁！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！