【韓劇速遞】 宋慧喬離婚後首作！攜手張基龍主演新劇《現正分手中》 上周五首播即現19禁激情床戲！ EXO 吳世勳、Girl’s Day Yura 都有出演
請Like我哋個Page：
「喬妹」返嚟啦！韓國女神宋慧喬近年少有拍劇，對上一套作品已經係2018年嘅《男朋友》；其後佢喺2019年同宋仲基離婚，可以話係轟動一時。新劇《現正分手中》 係佢離婚後，首次回歸小螢幕之作，劇中伙拍「九尾狐」男神張基龍，大談姐弟戀。
（圖片來源：SBS Drama @Facebook）
（圖片來源：viu.com）
《現正分手中》 以時尚圈為背景，女主角河英恩（宋慧喬 飾）係時尚品牌公司嘅設計組組長，為人冷靜且現實主義，係一個不折不扣嘅職場女強人。而男主角尹在國（張基龍 飾）就係一名人氣freelance時尚攝影師，係一個崇尚自由嘅不婚主義者。兩人劇中一相遇即撻著，上演「一夜情」嘅激情戲碼，由酒店房門一路纏綿去到落地窗，難怪會被列為「19禁」！
（圖片來源：SBS Drama @Facebook）
除咗宋慧喬同張基龍，同劇仲有人氣偶像 EXO 吳世勳同Girl’s Day嘅Yura，陣容非常強勁！世勳喺劇中飾演女主角嘅下屬，亦都係女主角高中好友嘅細佬，而Yura就飾演擁有100萬Instagram followers嘅人氣網紅，唔少粉絲都好期待佢哋嘅演出。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment