【港版《雙層公寓》？】Viu TV將推本土戀綜《戀愛Staycation》公開招募單身男女加入 娟姐 ：我想參加啊！
請Like我哋個Page：
近年戀綜大行其道，其中最出名嘅一定係日本嘅《雙層公寓》，之前小編介紹過韓國嘅《換乘戀愛》，都係一個例子。日韓嘅戀綜就睇得多，唔知擺喺香港做又會喺點？Viu TV今日就公佈將會開拍全新戀愛配對節目，暫名為《戀愛Staycation》，公開招募單身男女嚟Check-in！
《戀愛Staycation》嘅節目組睇準年輕男女鍾意Staycation，再加入戀愛元素，標榜「嘆住搵真愛」。而多數戀綜嘅節目組都會邀請素人們同居，安排佢哋約會，港版都唔例外。參加者將會一齊喺靚靚大屋「Staycation」，節目組仲會安排不同活動，例如遊艇派對、露營體驗、豪華舞會等等，幫素人們擦出愛火花！
今次招募嘅對象限18至35歲，暫定會喺今年12月至下年3月拍攝。又有得玩又有得拍拖，聽落都幾吸引，就連娟姐都即刻留言話想Join！不過亦都有網民擔心會「出事」，皆因過往不少戀綜嘅參加者都飽受網絡欺凌，《雙層公寓》嘅木村花（Hana）更加因此不幸自殺身亡，導致《雙層公寓》永久停播！希望各位觀眾到時理智追節目，明白一切都只係節目效果啦。
請Like我哋個Page：
Leave a Comment