【真係做「契媽」！】 Serrini 捐錢返港大 設「梁嘉茵獎學金 」 盧覓雪 ：我都想你做我契媽！

 

請Like我哋個Page：

生活提案事務所 Lifenews HK

「陀地歌姬」Serrini除咗唱得，連學歷都高到嚇親人，事關佢擁有港大文學與文化研究博士學位，係名符其實嘅「梁博士」！而Serrini最近亦都飲水思源，捐錢返港大文學院，自費設立咗「Serrini Scholarship 梁嘉茵獎學金」！相信對於「樹打手」們嚟講，金額都唔係最重要，如果可以得到偶像冠名嘅獎學金，一定係人生成就！

（圖片來源：Serrini @Facebook）

根據港大嘅獎學金網站，「梁嘉茵獎學金」每年會向最多5位Year 2或以上、讀緊文學士課程兼成績優異嘅本地學生，各提供每人$10,000嘅獎學金。Serrini都有喺Facebook公布消息，話係少少哋「for undergrad開學開心下」，仲話下年想再Top up多啲錢，叫大家買多啲周邊。佢又搞笑自爆，本身想命名做「梁嘉茵博士獎學金」或者「梁嘉茵契媽獎學金」，連盧覓雪都喺下面留言，想Serrini做佢契媽。

（圖片來源：CUHK Secrets @Facebook）

不過雖然Serrini喺港大讀博士，但係佢嘅學士學位係喺中大完成。獎學金消息一出，就有人匿名喺CU Secrets發文，話中大出身嘅Serrini，「搞獎學金竟然係畀港大先」，仲話佢「背祖忘宗」！Serrini都有現身回應，自稱係「fresh grad」，話「賺多d等下年先啦」，真係幽默又有風度！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！