【 「朗誦安」嚟啦！】《膠戰S2》第三集 Edan玩game輸咗接受大懲罰 重現小學朗誦冠軍「黑歷史」！極浮誇爆笑

 

請Like我哋個Page：

生活提案事務所 Lifenews HK

ViuTV人氣綜藝節目《膠戰》添食播第二季，喺前日就播出咗第三集。今集請嚟Youtube Channel「小薯茄」嘅成員阿冰、麗英同程人富做嘉賓，大玩童年經典小遊戲，例如「麻鷹捉雞仔」同埋「爭凳仔」。喺連場激戰之後，Edan、Hillary同阿冰輸咗，需要接受大懲罰，就係要一齊背詩朗誦！

（圖片來源：Viu TV官方網站）

就咁聽落好似冇咩難度喎⋯⋯不過爵屎們應該就唔係咁睇，事關Edan有一個點洗都洗唔甩嘅黑歷史，就係小學拎朗誦比賽冠軍嘅片段。童年Edan為咗贏比賽非常盡力，搖頭擺腦、聲線浮誇，又cute又爆笑！今次佢就被要求重現當年經典片段，不過可能因為年代久遠，Edan係咁忘詞，去到Take 4先成功。不過讀到高潮部分「骯髒！吵鬧！和擁擠！」嘅時候，佢照樣交足戲，冠軍不愧係冠軍，睇到其他「6膠」成員都拍哂手掌！

（圖片來源：ViuTV @Youtube）

除咗爆笑情節之外，今集Jeffrey（魏浚笙）講嘅一句話，令觀眾都覺得好warm！節目其中一個環節要求成員要用「我的志願」嚟幫自己改名，Jeffrey揀咗「坑渠馴獸師」，隨即引嚟其他人嘅質疑同恥笑。不過佢事後解釋，自己並唔係搞Gag，係希望可以訓練坑渠入面嘅昆蟲唔好亂咁走出嚟，令到大家開心啲。又靚仔又善良，真係抵Jeffrey咁紅！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！