【網民大讚】本地Rapper出歌抨擊Mirror Ian出席活動回應傳媒被讚大方得體

 

請Like我哋個Page：

生活提案事務所 Lifenews HK

早前Ian ( 陳卓賢 ) 出度公開活動大方回應記者提問起近日本地Rapper Novel Friday出新歌抨擊Mirror嘅睇法，而Ian因為佢嘅回應大方得體而受網民大讚。

本地Rapper Novel Friday出新歌《MIRROR FREESTYLE》，除咗歌名直接響Mirror 全朵，歌詞中亦句句串到入肉，例如「太多賣樣扮做歌」暗串Mirror只靠外表無音樂實力，「廣告廣告廣告廣告多到」又串Mirror嘅廣告太多，仲有一句「你本日記好狂咩？ 」，矛頭直指Jer柳應廷嘅歌曲《狂人日記》。歌曲一出後，大眾嘅反應都好兩極化，有唔少鏡粉幫Mirror 護航，指偶像一向努力製作好嘅音樂，覺得Novel Friday借Mirror上位。亦有唔少人表示Novel Friday唱出佢哋嘅心聲，直言Mirror搶曬樂壇新人嘅熱度，又為錢接下太多代言同廣告，無心專注音樂。

昨日，Ian@Mirror出席珠寶品牌嘅公開活動受訪時，被記者問到對Rapper Novel Friday《MIRROR FREESTYLE》嘅睇法時，Ian表示沒留意，有聽朋友提起過，但認為音樂係自由表達自己意見嘅渠道。對於歌曲對Mirror部分成員只靠樣無實力，Ian表示多謝佢哋覺得隊員靚仔，佢哋都天生麗質，唔係只靠化妝。大家私底下都付出咗好多努力，例如唔係主唱都上左好多堂學唱歌，希望做到一個標準，等大眾知道佢哋有努力過有進步。Ian表示唔會嬲，覺得每人都有表達個人意見自由，唔會出歌平反，會集中專注喺自己作品為主。

訪問出街後，網民大讚Ian嘅EQ好高，回應得好得體大方，認同圓滑嘅處事手法抵佢咁紅，為Mirror留低好印象!

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！