【恭喜哂！】 姜濤《蒙著嘴說愛你》MV破千萬View 深夜出IG Story長文表謝意 預告將有新團歌！

 

請Like我哋個Page：

生活提案事務所 Lifenews HK

姜濤舊年4月推出大熱歌曲《蒙著嘴說愛你》，佢仲憑住呢首歌，喺2020年度叱咤頒獎禮一舉奪得「我最喜愛的歌曲」大獎。雖然唔少人質疑姜濤未夠資歷攞獎，但呢首歌就係爭議聲中越唱越紅，可以話係街知巷聞。最近再有關於呢首歌嘅好消息，就係《蒙著嘴》嘅MV喺Youtube已經突破千萬點擊，真係可喜可賀！

首歌出咗年幾，喺呢個時候破千萬views，相信同姜濤9月底出席拉闊音樂會有關，皆因好多人留言，話「聽完拉闊後過來聽歌」，又有人提到拉闊當晚，「台上台下大合唱蒙著咀」，大讚氣氛超好！其實姜濤出呢首歌，係想多謝疫情下一眾辛苦嘅醫護人員，同埋為大家打氣。而家疫情未完，大家都仲係要戴住口罩生活，即使過咗一年幾，聽呢首歌仲係會好有共鳴，難怪《蒙著嘴》可以紅足咁耐！

（圖片來源：Instagram @keung_show）

對於《蒙著嘴》MV破紀錄，姜濤亦有出IG Story多謝一班忠實歌迷，形容《蒙著嘴》係佢出道第二年嘅第一首作品，亦都算係佢真正意義上，開始主導自己音樂方向嘅第一部作品。佢又提到一個意外收穫，就係唔少幼稚園都用呢首歌做畢業歌曲，笑言呢首歌已經慢慢成為流行兒歌，亦都好開心呢首歌為好多人帶嚟正能量。另外，佢都自爆出story嘅時候，錄製緊Mirror嘅新團歌！鏡粉們再等多陣，相信好快就會有好消息！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！