【團魂爆發！】 Mirror 12子將合體進軍紅館 暫定下年7月開騷 勢掀搶飛潮‼️

 

請Like我哋個Page：

生活提案事務所 Lifenews HK

Mirror今年5月喺九展連開6場演唱會，場場爆滿、一飛難求，門票炒價更達5位數字！門票咁供不應求，好多鏡粉都希望佢哋移師紅館大舞台開騷，而最近終於有好消息！琴日各大傳媒都報道，Mirror已經落實下年7月登陸紅館，好快就會正式入紙紅館申請！

Mirror年中演唱會反應咁火爆，唔少人都認為以Mirror現時嘅號召力，喺紅館開騷絕對冇難度。之後亦不斷傳出Mirror紅館開騷消息，曾經有傳佢哋會喺12月跨年嘅黃金檔期，或者下年2月進軍紅館，但係都好快畀經理人花姐否認。今次決定喺7月暑假檔期開騷，絕對係學生們嘅福音！有傳今次會開10場，唔知夠唔夠滿足咁多位鏡粉呢？

而喺合體之前，Mirror其中6子姜濤、Ian（陳卓賢）、Anson Lo（盧瀚霆）、Edan（呂爵安）、Jer（柳應廷）同 Anson Kong（江𤒹生）將會先行喺12月開騷。公佈嘅同時亦引起不少猜測，更有網民話係鋪路拆伙，飛起另外6子！之前姜濤已經回應過傳媒，堅稱冇人可以𠝹開佢哋。而今次合體開騷嘅消息，無疑係粉碎傳言，為鏡粉們打咗一支強心針！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！