【全民造星IV】主題曲《前傳》MV第三部曲公開！校園取景 網民大讚高質有港味 女生們踩板夾Band 盡顯「不良少女」反轉魅力！

 

請Like我哋個Page：

生活提案事務所 Lifenews HK

Viu TV皇牌節目《全民造星》嚟到第四季，前期宣傳已經好大陣仗，淨係主題曲《前傳》嘅MV都拍咗三個版本！前日第三部曲「女團の駅」嘅MV終於公開，都獲得一致好評。雖然同前兩集一樣，女生們都係以校服look亮相，但唔少人都攝高裇衫、大騷小蠻腰，或者露出手臂大片紋身，加埋夾Band嘅搖滾設定，完全係一班叛逆少女，網民亦都好受落。

（MV Link：https://www.youtube.com/watch?v=O8MOUs0sz4U）

（圖片來源：ViuTV @Youtube）

每個MV都有幾個人特別吸睛，其中18號蘇菲（陳莉詩）長期霸佔C位，一頭粉紅色長髮超搶眼！而「KB愛將」70號東東（郭東彩）亦都有多個大頭，一開始踩住板登場真係型到爆！而先前唔被睇好嘅23號陳祖，憑住搞怪風格得到網民注意，都有網民話期待佢嘅表現。

（圖片來源：ViuTV @Youtube）

另外，都有網民留意到，三個MV係由三個唔同嘅新導演拍，認為今次除咗想捧女團，亦都係捧緊一班幕後製作團隊。今次「女團の駅」主要喺校園取景，MV入面嘅彩色壁報版、學校禮堂，都成功喚起唔少人嘅青春校園回憶，網民都大讚拍得有港味，相信節目製作亦會比以往幾季更高水準！《全民造星IV》會喺下星期一首播，大家記住唔好錯過啦。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！