【好想返鄉下！（新增教學短片！）】網民發起IG「Show me your Japan」接龍 Story Post遊日舊照望梅止渴
請Like我哋個Page：
即睇教學步驟：https://youtu.be/yUXbICrgluU
香港人鍾意去旅行就係人都知，鄰近嘅日本更加係港人熱門旅遊勝地，小編身邊唔少朋友一年都會去兩三次，直頭當咗日本係自己「鄉下」。但係疫情至今仲未消失，好多人差唔多兩年冇去過日本，都大呻好掛住！近日就有網民喺Instagram發起咗「Show me your Japan」嘅接龍，大家都紛紛Post出以前去日本旅行嘅舊照，抒發「思鄉」之情，好快就已經有近萬人響應！
呢個接龍係由Instagram帳户 @takez0.arw 發起，佢本身係一位攝影師，周不時都會Post自己影嘅日本風景相。佢今次利用咗Instgram story嘅配件發起接龍，鼓勵大家一齊分享自己鏡頭下嘅日本。大家只要喺其他人嘅story撳「Add Yours」再Post story，所Post嘅相就會自動加入喺接龍入面，其他人都會睇到，係咪好方便快捷呢？
（圖片來源：Instagram @takez0.arw）
就算可以睇到其他人遊日嘅靚相，相信最多人關心嘅，都係日本幾時先開關。隨住各地展開疫苗接種，唔少國家都已經解封，容許打咗針嘅旅客入境，唔使隔離同檢疫！可惜日本喺呢方面就仲未有消息，加上從外地返港都係要隔離，想去旅行可能都要再等吓先。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment