【羽毛球女神！】謝影雪IG曬Pandora廣告相 一改運動員硬朗形象 女人味爆燈！網民：靚到認唔到!!
請Like我哋個Page：
一眾本地運動員喺東京奧運取得佳績，其中謝影雪同鄧俊文更歷史性殺入羽毛球混雙四強。雖然「鄧謝配」最後無緣獎牌，但都無阻佢哋人氣急升，而雪雪亦成為各個品牌嘅寵兒。琴日佢就喺IG Post出一輯Pandora廣告相，隨即引起熱烈討論，大多數網民都有讚冇彈，想知咩事就睇埋落去啦！
（圖片來源：Instagram @tseyingsuet）
作為運動員嘅佢，平日打扮都係簡約舒適為主，但佢今次就一改平時硬朗嘅形象。相入面嘅佢戴上雙層星星頸鍊，同埋Pandora嘅招牌手鍊，加埋悉心設計嘅妝容同埋髮型，既高貴又有女人味，完全可以做專業Model！佢亦喺Caption寫上自己運動員生涯嘅故事，提到自己比同年嘅年輕運動員遲起步，「但我把握每一次練習機會，盡全力去訓練追趕失去嘅時間」，最終加入香港青年代表隊，再成為全職運動員，真係非常熱血！
雪雪今次嘅造型亦都大獲網民好評，唔少網民都大讚佢靚爆鏡，就連軒仔都有留言讚好。不過雪雪就好謙虛，話「有睇我奧運嘅朋友都知我真人係點樣」，全靠化妝師、髮型師、造型師等工作人員先會有咁靚嘅佢，仲搞笑多謝佢哋咁畀心機去喬裝佢。而家佢同拍檔鄧俊文已經身處丹麥，並喺丹麥羽毛球公開賽晉身8強，大家記住為佢哋打氣啊！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment