【伴舞出頭天】韓國仙氣靚女舞者爆紅 IG坐擁196萬Followers 成廣告界新寵兒！

 

請Like我哋個Page：

生活提案事務所 Lifenews HK

韓國綜藝節目《Street Woman Fighter》邀請7隊女舞團上台鬥舞，成功捧紅一班Dancers！其中no:ze憑住出眾美貌成功彈出，人氣水漲船高！而家佢嘅IG已經有196萬Followers，擁有自己嘅Fansclub，早前喺Studio開Pop-up跳舞堂，名額秒速售罄，教完堂仲有大批忠粉接放工同送禮物，待遇同Idol無異！

喺韓國電視台Mnet放映嘅街舞競演節目《Street Woman Fighter》，從8月尾開播之後人氣一直高企，甚至多個Idol都係節目忠實粉絲。節目中多個Dancers爆紅，其中舞團Way B嘅隊長no:ze就係代表。佢一出場已經因為過人外表引起其他參賽者注目，仲質疑佢得個靚字、只係花瓶。但佢後來憑住強勁嘅舞技打破偏見，喺節目創作嘅編舞《Hey Mama》仲掀起Cover熱潮，連Idol都爭住學！

（圖片來源：Instagram @nozeworld）

其實no:ze之前已經幫過多名著名偶像伴舞，例如SHINee、泰民、EXO嘅KAI等等，而且喺KAI嘅歌曲《Mmmh》擔任伴舞嘅時候已經引起唔少關注，有「KAI美女伴舞」之稱，好多網友都認為佢嘅顏值足以成為偶像出道。今次參演節目令佢再次人氣急升，Instagram追蹤人數翻倍，由60萬暴增至196萬！爆紅之後，佢都喺多本時尚雜誌亮相，經紀公司都話已經接到多個品牌邀約，代言接唔停，仲忙到要取消哂所有正規跳舞班！唔知no:ze會唔會如粉絲所言，以偶像身分出道呢？小編都好期待！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！