【港版「男兒當入樽」？】 姜濤 Ian 擔正主演Viu新劇《季前賽》 Trailer大騷球技 瀟灑入樽型到癲!!

 

請Like我哋個Page：

生活提案事務所 Lifenews HK

上年年尾ViuTV推出原創劇《男排女將》，一眾Mirror同Error成員共組排球隊絕地翻身，青春熱血嘅劇情大受好評。ViuTV見勢再推出以運動為主題嘅電視劇，除咗之前已經開拍嘅《i.SWIM》，仲有由姜濤同Ian主演嘅籃球劇《季前賽》。Mirror兩大人氣王聯手，夢幻陣容令一眾鏡粉都好期待！

早前ViuTV舉行節目巡禮，預告下年將會推出嘅新劇，其中以籃球作為主題嘅《季前賽》備受矚目。《季前賽》由Mirror嘅姜濤同Ian擔正，佢哋喺宣傳片大曬球技、輪住射籃，尾段更加對陣鬥波，「插花」「上籃」樣樣齊，非常刺激！

（圖片來源：Youtube @ViuTV）

另外，ViuTV亦預告Error成員193同肥仔都會出演《季前賽》，仲話「到時就知咩料！」，神秘感十足。相信錯粉們都知193曾經代表本地甲一籃球隊南華喺青年賽獲獎，演籃球劇真係fit到漏！唔知除咗呢四位，仲會唔會有其他Mirror同Error成員驚喜現身呢？各位鏡粉錯粉，一定要密切留意啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！