【韓綜快訊】催淚戀綜《換乘戀愛》大結局 素人們情歸何處？Girl’s Day Yura睇到爆喊！

 

請Like我哋個Page：

生活提案事務所 Lifenews HK

近年韓國各大電視台紛紛推出各款戀愛綜藝，邀請互不相識嘅素人上節目配對，而最近最Hit嘅戀綜就非《換乘戀愛》莫屬！《換乘》最特別嘅地方，就係節目組邀請咗4對已經分手嘅素人情侶同居、約會。要扮唔識自己個ex，再眼白白睇住佢同其他人曖昧，真係好虐心！好多網友都讚《換乘》情節真實，仲好睇過韓劇，喺國內外討論度都居高不下！因為節目太受歡迎，由原定10集加碼到15集，而大結局已經喺10月1日播出，想知道素人們最終點樣配對，就要繼續睇落去啦！

（圖片來源：Instagram @tvn.asia）

5對情侶嘅分手時間不一，其中Coco同珉在呢一對，已經分手10年！而入面最虐心嘅一定係浩民同普玹，皆因佢哋拍咗三年拖，只係分咗手三個月，雙方都仲未放得低。受情傷所困嘅普玹，同時仲要面對珉在嘅熱烈追求，新歡舊愛共處一室，就咁聽都知有幾糾結！睇住普玹一時忘記唔到個ex，一時又同新對象甜蜜約會，網友們都好肉緊，好想知道最後普玹會揀開始新戀情，定係食回頭草復合！

而換乘喺上星期五已經播出大結局，素人們要親自揸車送ex去見新歡，等於分多一次手！而浩民喺送普玹嘅途中，都出盡全力挽留，但仍然未能阻止普玹投向珉在嘅懷抱。兩個人流淚道別嘅虐心情節，連嘉賓Girl’s Day Yura都睇到爆喊！網友們都對普玹嘅掙扎覺得好有共鳴，又慶幸佢痛定思痛，勇敢開展新戀情。另外有傳內地已經籌備翻拍《換乘戀愛》，如果消息屬實，唔知會有咩陣容呢？相信都會好好睇！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！