【玩爆Edan個腎?!】整蠱Edan玩大咗 XX演技大爆發?
請Like我哋個Page：
由KB同寧爺主持嘅Youtube節目《情義兩難全之玩爆你個腎》做咗超過10年，每集都會度橋整蠱一位明星或YouTuber，而今次嘅對象就係Mirror嘅Edan!今次行動仲夾埋鄭中基Ronald 嘅機動電視台RTV，KB為咗增加今次行動嘅真實性仲叫埋知名音樂監製舒文同真正電影公司老闆Alex Dong嚟做呢場大龍鳳!我哋一齊嚟睇吓佢哋點爆Edan個腎!
節目一開頭嘅計劃就係邀請Edan同Ronald一齊合唱一首歌，首歌仲有可能成為電影嘅主題曲，由舒文嚟做監制，而KB同寧爺就喺幕後操控呢一切!過程中務求喺Edan錄音時不斷製造麻煩，例如Ronald同舒文不斷嘈交，目的係睇吓Edan嘅危機應變能力。而爆腎爆發點就係稱舒文監製生日，要Edan捧住蛋糕入房畀surprise佢，尷尬慶生。
去到爆腎當日，正當佢哋準備緊時，Edan突然報稱病咗，而經理人花姐會陪同佢一齊上嚟，不過花姐係知情人士，知道佢哋準備整蠱Edan。另一邊廂，Ronald就同舒文討論陣間錄音時要Ronald頂撞監製舒文。當Edan到達後，所有嘢都按照計劃進行，中間叫Edan入錄音房時仲熄咗咪，Ronald同舒文作狀嘈交，將尷尬氣氛推到最高點!最後Edan捧住蛋糕入去畀舒文時更一度吵大鑊，成功玩爆Edan個腎!
正當大家以為計劃成功時，其實今次最終整蠱嘅對象唔係Edan，而係一直都無人整蠱嘅KB!Edan同花姐無啦啦入咗房，稱Edan覺得唔開心，因為佢最近多人抨擊佢唱歌唔掂，拎感冒嚟做藉口，咁啱今日Edan報稱感冒，驚節目出街會影響形象。而KB一開頭覺得佢哋唔開心係假嘅，Ronald就捉咗佢去後樓梯講數令成件事真啲。Edan就一直匿喺錄音室扮唔開心，花姐就話Edan鬧佢玩大咗，花姐見KB對事件疑真疑假就順住個勢開始發火，稱以後都唔會再同KB合作，叫Edan拎袋走人，演技大爆發，即刻令KB覺得真係激嬲咗花姐Edan，玩大咗，成功整蠱KB!
一眾網民睇完之後都話，今次成功整蠱到主持人，花姐功不可沒，係今集MVP，Edan都好好戲，Ronald嘅臨場配合又好勁，所以今次爆腎大成功!亦都有網民話KB整蠱人整咗咁多年，佢都有今日啦，玩家都會有被玩番轉頭嘅一日!
.png)
.png)
Leave a Comment