【恭喜Edan ! 】《E先生連環不幸事件》MV點擊破一千萬 爵屎 : 百聽不厭
請Like我哋個Page：
Mirror自上年起爆紅之後，除咗接Job接唔停之外，佢哋嘅音樂作品亦多咗好多人留意。成員之一嘅Edan 呂爵安於年頭推出個人單曲《E先生連環不幸事件》，歌曲一出就已經大獲好評，直至琴日歌曲嘅MV點擊突破一千萬，以9個月時間就有如此亮眼嘅成績，證明呢首歌真係好受歡迎 !
歌曲嘅亮點係後段一有少段Edan嘅鋼琴Solo，唔少「爵屎」都表示歌曲百聽不厭，已經放喺Playlist入邊日日聽 ! 而Edan本人亦都喺琴晚出咗個IG Story 感謝大家嘅支持。除咗《E先生連環不幸事件》之外，Edan仲有兩首派台歌《小諧星》同《My Apple Pie》，分別有512萬同245萬點擊，歌曲推出得3個月同幾星期已經有咁高點擊，有望成為下一首千萬點擊歌曲，問鼎今年新人獎 !
其實Mirror成員嘅Solo song仲有好多首都好受歡迎，小編都好期待下一個Mirror歌曲MV突破一千萬嘅好消息呢 !
z
請Like我哋個Page：
Leave a Comment