【峰迴路轉！】金宣虎事件大反轉！韓媒 Dispatch 公開「被歪曲的12條真相」 力證金宣虎唔係「渣男」‼️

 

請Like我哋個Page：

生活提案事務所 Lifenews HK

韓國人氣演員金宣虎早前被前女友爆料係「人渣」，指佢呃前女友墮胎之後始亂終棄，形象大插水！金宣虎神隱三日之後發表道歉聲明，承認爆料屬實；本來以為件事會告一段落，點知出現驚人大逆轉！號稱韓娛圏「最強狗仔隊」嘅Dispatch就事件深入調查，指出金宣虎同前女友崔英雅係共同協議墮胎，事後金宣虎亦有細心照顧，直斥前女友謊話連篇！

（圖片來源：Instagram @koreadispatch）

「D社」Dispatch喺前日公開咗一篇名為「提問崔英雅⋯⋯金宣虎，被歪曲的12條真相」，內文詳細反駁前女友對金宣虎嘅多個指控。其中爆料文中提到嘅知情人士、話劇演員B某，向Dispatch表示金宣虎同前女友經過慎重考慮之後決定墮胎，當日兩個人都喊到對眼腫哂。事後金宣虎仲連續兩星期，煮海帶湯畀前女友飲，亦帶咗佢去見家長，並唔係前女友口中嘅「態度突變」！

（圖片來源：Instagram @salt_ent）

（圖片來源：Korea Dispatch）

另外，Dispatch亦都公開對話截圖，指前女友曾經瞞住金宣虎去夜店，亦多次對金宣虎講大話，批評前女友嘅問題更多。文章公開之後，網上輿論開始轉而攻擊前女友，更有網民覺得金宣虎選擇直接道歉、唔澄清，係保護前女友嘅舉動，認為佢善良正直。而曾經同金宣虎合作嘅童星演員同工作人員，亦都紛紛發聲為佢應援，希望佢能夠捱過今次難關。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！